جريمة فيها كل عناصر الإجرام والبشاعة !
جريمة ما فيها رحمة !
بدل جريمة جريمتين!
أوّل جريمة لما مخلوق معروف بسلوكه السيء يتطاول على شاب ،عم بسوق سيارته ..وبكل وقاحة ولانه المجرم القبيح مفكر الطريق لبيه ولانه معود على إنه ما في أفضل منه ،وهيدا أكيد من وراء حصانة بتشبه مجموعة مجوية بلا ضمير واخلاق…هيك سمح لنفسه السفاح يتلاسن ويهاجم خليل الاصغر منه ومفروض ابن منطقته…
الجريمة الثانية ،انه لاحق خليل و قتله بأبشع طريقة الدهس…لانه بلا شفقة و طبعاً ما بيعرف ربّه….
يا قاتل ،انت محط للشفقة،لانك ما تربيت و ما تعلمت وما تعرف على تعاليم الدين….بشفق عليك لانك ما بتعرف قيمة الانسان …بشفق عليك لانك ما رح تنال الحياة الأبدية ….
ربنا غفور ،بس غضب الناس على الارض ،رح يقتلك ويعذبك…
خليل…يا بطل …يا قتيل….طير يا ملاك بهالسما بليلة دخول يسوع الى الهيكل….
-الكاتب: جوزيان حداد
